આજનું ભવિષ્ય તા.1-6-2022, બુધવાર

મેષ : નોકરી-ધંધાના કામકાજ અંગે બહાર કે બહારગામ જવાનું બને. અડોશ-પડોશના કામ અંગે વ્યસ્તતા જણાય.

વૃષભ : આપના કાર્યમાં સાનુકૂળતા મળી રહે. ધંધામાં આકસ્મિક ઘરાકી આવી જતાં લાભ-ફાયદો જણાય. કામનો ઉકેલ આવે.

મિથુન : આપના કાર્યની સાથે અન્ય કામકાજ અંગે દોડધામ કરવી પડે. જોકે કાર્યમાં ઉકેલ આવતા આનંદ જણાય.

કર્ક : આપે બેંકના, વીમા કંપનીના, શેરોની લે-વેચના કામમાં ધ્યાન રાખવું પડે. આપના ધાર્યા પ્રમાણે કામ થાય નહીં.

સિંહ : પરદેશના કામમાં પ્રગતિ જણાય. આપના કાર્યની કદર-પ્રશંસાથી કામ કરવાનો ઉત્સાહ રહે. હર્ષ-લાભ જણાય.

કન્યા : જમીન-મકાન-વાહનની લે-વેચના કામમાં સાનુકૂળતા રહે. ખાણીપીણીના - ટ્રાન્સપોટના ધંધામાં ધ્યાન રાખવું પડે.

તુલા : દિવસ પસાર થતો જાય તેમ આપને સાનુકૂળતા થતી જાય. આપના રૂકાવટ-વિલંબમાં પડેલા કામ ઉકેલાય.

વૃશ્ચિક : તબિયતની અસ્વસ્થતાને લીધે કામ કરવાની ઈચ્છા ન હોવા છતાં કામમાં વ્યસ્ત રહેવું પડે. કામમાં ભૂલો ન થાય તેની તકેદારી રાખવી.

ધન : આપના કાર્યની સાથે સંસ્થાકીય કામ અંગે, જાહેરક્ષેત્રના કામ અંગે વ્યસ્તતા-દોડધામ રહે. કામનો ઉકેલ આવતા રાહત થાય.

મકર : આપના કામકાજ અંગે દોડધામ-શ્રમ રહે. કોર્ટ-કચેરીના કામમાં, રાજકીય કામમાં સાનુકૂળતા રહે. ખર્ચ જણાય.

કુંભ : આપના કામમાં સંતાનનો સાથ-સહકાર મળી રહેતા સરળતાથી કામનો ઉકેલ લાવી શકો. મહત્વના નિર્ણય લઈ શકાય.

મીન : આપના કામમાં કોઈને કોઈ રૂકાવટ-વિલંબ જણાય. જમીન-મકાન-વાહનના કામમાં સાવધાની રાખવી. ચિંતા-ઉચાટ રહે.