હાલમાં રિલીઝ થયેલી આ ગુજરાતી ફિલ્મની સાઉથની ભાષામાં બનશે રીમેક

ઢોલિવૂડના યુવા ડિરેક્ટર કર્તવ્ય શાહની ગુજરાતી થ્રિલર ફિલ્મ 'ધુમ્મસ'ને માત્ર રાજ્ય નહીં પરંતુ, સમગ્ર દેશમાંથી સારો પ્રતિસાદ મળ્યો છે. ત્યારે હવે ગુજરાતી ફિલ્મ 'ધુમ્મસ' તરફ સાઉથ ઈન્ડિયન ફિલ્મમેકર્સનું ધ્યાન ખેંચાયું છે. હવે દક્ષિણનું પોપ્યુલર પ્રોડક્શન હાઉસ ગુજરાતી થ્રિલર ફિલ્મ 'ધુમ્મસ'ની સાઉથની ભાષામાં રિમેક બનાવવા જઈ રહ્યું છે.

ડિરેક્ટર કર્તવ્ય શાહે વધુ વાત કરતા જણાવ્યું કે, ફિલ્મ 'ધુમ્મસ' અમારી આખી ટીમ માટે યાદગાર સફર જેવી રહી છે. ફિલ્મ બનાવવા પાછળ અમારી સમગ્ર ટીમે ખૂબ મહેનત કરી જેનું અમને હવે સારું પરિણામ જોવા મળી રહ્યું છે. 'ધુમ્મસ' માટે હું તેના લેખક ભાર્ગવ ત્રિવેદીનો આભાર વ્યક્ત કરવા માગુ છું. તે પ્રથમ એવો વ્યક્તિ હતો કે જેણે આ વિષયની કલ્પના કરીને તેને આકાર આપ્યો. પોતાની કલ્પનાશક્તિથી તેણે આ વિષયમાં વિવિધ રંગ ભરીને તેની પેપર પર રજૂઆત કરી. અમે તેના આભારી છીએ.