સુરતમાં તડકાથી બચવા હરતા ફરતાં મંડપ નીચે વરઘોડો નીકળ્યો, છાંયામાં જાનૈયાઓ મનમૂકીને નાચ્યા

ધીમે ધીમે હવે લગ્નસરાની સિઝન શરૂ થઈ રહી છે. ત્યારે બીજી તરફ કાળઝાળ ગરમી હાલ તેનું જોર બતાવી રહી છે. અગનગોળા વરસાવતી ગરમીમાં સુરતના રસ્તા પર નીકળેલા વરઘોડાએ ભારે આકર્ષણનું કેન્દ્ર ઉભું કર્યું હતું. વાઈરલ થઈ રહેલા વીડિયો પ્રમાણે વરઘોડાની સાથે-સાથે મંડપ પણ ચાલી રહ્યો છે. જેને કારણે જાનૈયાઓને નાચવામાં તકલીફ ન થાય અને ગરમીનો અનુભવ ખૂબ ઓછો થાય. જાનના વરઘોડાનો આ અનોખો કિમિયો હાલ સોશિયલ મીડિયામાં પણ આકર્ષણનું કેન્દ્ર બની રહ્યો છે.

સુરતમાં વરઘોડા સાથે આખો મંડપ પણ ચાલી રહ્યો હતો. આ દ્રશ્યો ક્યારેય આપણે જોયા ના હોય તે વીડિયોમાં સ્પષ્ટ જોવા મળ્યા હતા. કાળઝાળ ગરમીમાં પણ જાનૈયાઓ ખૂબ જ મોજ મસ્તીથી નાસ્તા જોવા મળ્યા હતા. કારણ કે, તેમના માથા ઉપર મંડપનો આશરો હતો.તેના કારણે ગરમી તેમને લાગતી ન હતી. ગરમીથી બચવા માટેનો અનોખો પ્રયોગ કર્યો છે

સુરતીઓ દરેક મુશ્કેલીને અવસરમાં બદલી નાખવા માટે જાણીતા છે. પછી તે લગ્ન પ્રસંગ કેમ ન હોય. ભલે આગ ઝરતી ગરમીથી ધરાવતા હોય પરંતુ લગ્ન પ્રસંગમાં મોજ મસ્તીની એક પણ ગુમાવ્યા વગર તેને કોઈ પણ ભોગે માની લેવાની જાણે જીદ હોય તેઓ વીડિયો વાઈરલ થયો છે. વરઘોડાની સાથે સતત મંડપ ચાલતો જોઈને આસપાસના રાહદારીઓ પણ જોતા રહી ગયા હતા. આ નવતર પ્રયોગને બધા રમૂજપૂર્વક આવકારતા હોય તેવી પણ ચર્ચા કરતા દેખાયા.