દિલ્હીમાં પહેલીવાર ગરમીનો પારો 49 ડિગ્રીને પાર, આજે આંધી અને વરસાદની આગાહી

પંજાબ અને હરિયાણા પર ચક્રવાતી પરિભ્રમણ પ્રી-મોન્સૂન પ્રવૃત્તિને પ્રેરિત કરશે, જે સોમવાર અને મંગળવારે સળગતી ગરમીમાંથી થોડી રાહત લાવશે.

પંજાબ અને હરિયાણા પર ચક્રવાતી પરિભ્રમણ પ્રી-મોન્સૂન પ્રવૃત્તિને પ્રેરિત કરશે, જે સોમવાર અને મંગળવારે સળગતી ગરમીમાંથી થોડી રાહત લાવશે.રાષ્ટ્રીય રાજધાની આંશિક વાદળછાયું રહેશે, મજબૂત ધૂળના તોફાનોની પણ સંભાવના છે.રાજધાનીમાં મહત્તમ અને લઘુત્તમ તાપમાન અનુક્રમે 41 અને 28 ડિગ્રી સેલ્સિયસ રહેવાની આગાહી કરવામાં આવી છે.આ પછી બુધવાર અને ગુરુના દિવસે આકાશ સ્વચ્છ રહેશે, પરંતુ રાજધાનીના લોકોને આકરા સૂર્યપ્રકાશ અને ગરમીનો સામનો કરવો પડશે.

હવામાન વિભાગે શુક્રવાર માટે યલો એલર્ટ જાહેર કર્યું છે.રવિવાર દિલ્હી માટે આ સિઝનનો સૌથી ગરમ દિવસ હતો.મંગેશપુર અને નજફગઢમાં તાપમાનનો પારો 49 ડિગ્રી સેલ્સિયસને પાર કરી ગયો હતો.દિલ્હીમાં આજ સુધી આટલું તાપમાન ક્યારેય નોંધાયું નથી.હવામાન વિભાગના જણાવ્યા અનુસાર સોમવાર અને મંગળવારે ગરમીમાંથી રાહત મળી શકે છે.આજે દિલ્હી NCRમાં વાદળછાયું વાતાવરણ રહેશે.ધૂળની ડમરીઓ આવી શકે છે.જેના કારણે તાપમાન ઘટીને 41 ડિગ્રી થવાની આશંકા છે.પરંતુ 18 મે બાદ ફરી એકવાર ગરમીની અસર વધશે.પંજાબ, હરિયાણા અને ઉત્તર ભારતના કેટલાક વિસ્તારોમાં હળવો વરસાદ અને ગાજવીજ સાથે વરસાદ પડી શકે છે.